XX. mendeko Euskararen Corpus estatistikoa
Testuingurua
AMONA - Beno...
TXEMA - Nik badakit zergatik dabiltzan ezkutuan... Nere gurasoengatik !
AMONA - Beno, alde batetik hala da!
Badirudi grazia gutxi egiten diela zure etxean aita norbaitekin dabilela jakiteak... baina, beno, neri bost axola!
MAITE - Baina... zuk zergatik ez diguzu inoiz ezer esan etxean?
AMONA - Nori esan?
Inork kasurik egiten al dit, ba, neri etxe honetan?
MAITE - A! Nik ere ez!
AMONA - Zuk? Nahi duzunean... ezta ere, komeni zaizunean, orduantxe!
MAITE - Horretan biok berdin gaude!
AMONA - Beno, kitto!
Eta, bestalde, Maite, esan beharrik ez daukat: zure amak ez jakitea nahiago nik!
MAITE - Zer uste duzu esango dizula amak?
AMONA - Zer esan?
Ez dakit ezer itxurazkorik esaten asmatuko lukeen, baina... kapaz da hura ni telebistarekin burutik behera jo edo... etxetik kanpora botatzeko ere...
AMA - Ui! Zer egiten duzue zuek denok hemen?
Bileraren bat?
MAITE - Zutaz ari ginen...
AMA - Hitz egin nahi duzuen guztia!
Gaur umore onean nago!